Dada mmoja aliyekuwa amepoteza wazazi wake baada ya ajali mbaya na akiwa bila ya msaada huku ndugu wakiwa wamemkimbia, siku moja njaa ilimshika na hakuwa na jinsi zaidi ya kupita nyumba kwa nyumba akiomba msaada wa chakula.

Majirani wale hawakumpa chakula na kuamua kwenda nyumba ya mwisho ambako mama wa nyumba ile alimfukuza binti yule huku akisema hana chakula cha mchezo cha kumpa binti yule kwani chakula chake ni cha tofauti na kisha akampiga na kopo tupu la maji na kumfukuza.

Binti kwa huzuni aliokota lile kopo tupu la maji na akaondoka kurudi nyumbani kwake akipita uchochoro moja karibu na machimbo ya madini huku akiufikiria mstari mmoja katika biblia wa Jeremia 29:11 usemao, "Maana nayajua mawazo ninayowawazia ninyi, asema Bwana, ni mawazo ya amani wala si ya mabaya, kuwapa ninyi tumaini siku zenu za mwisho"

Akiwa anaendelea kuutafakari mstari ule mara lile kopo likaangukia kwenye mfereji mmoja kwa kuwa dada alilihitaji lile kopo basi akalifuata pale na kukuta limeangukia jirani na mfuko mdogo wa nailoni na ndani yake akakuta kuna vipande viwili vya dhahabu vilivyofichwa.

Kwa yule dada hii ilikuwa ni kama ndoto iliyokuja na kuwa ya kweli, akauza zile dhahabu na kupata fedha nyingi ambazo kiasi akazitumia kwa kusaidia watoto yatima na nyingine akafungua kampuni yake kubwa ya mavazi katika mji ule kwa kuwa Mungu alimtendea miujiza.

Mungu wetu ni wa baraka na miujiza, anaweza kukuinua kutoka sifuri na kukufanya uwe shujaa mwenye kuheshimika na kuaminika hata pale inapoonekana kwako kuwa ngumu kama utamtumaini na kuomba ulinzi wake daima.

Comment Amen kama unamtumaini na kuamini nguvu za Mungu katika kuyabadilisha maisha yako

Nakutakia usiku mwema na wiki hii kabla kuisha iwe ya miujiza ya mafanikio, amani na furaha kwako